ཕྱི་ལོ་ ༢༠༢༥ ཟླ་ ༥ ཚེས་ ༢༠ ཉིན་སུད་སིའི་རྒྱལ་ས་བྷརན་གྲོང་ཁྱེར་དུ་སུད་སི་དང་ཀྲུང་གོ་བོད་མིའི་ཚོང་ཚོགས་དངོས་སུ་དབུ་བརྙེས་ཏེ་སྐུ་ཞབས་ཆོས་ལྡན་ལགས་ཚོགས་གཙོ་ཐོག་མར་བདམས་ཐོན་བྱུང་ཡོད། སུད་སིར་བཅའ་སྡོད་ཀྲུང་གོའི་གཞུང་ཚབ་ཁང་དང་ཛུ་རིག་ཏུ་ཡོད་པའི་སྤྱི་ཁྱབ་གཞུང་ཚབ་ཁང་། སུད་སིར་གནས་སྡོད་བོད་རིགས་སྤུན་ཟླའི་སྐུ་ཚབ་དང་ཚོང་ལས་ཁག། ཕྱི་སྡོད་རྒྱ་རིགས་ལྷན་ཚོགས་ཀྱི་འཐུས་མི་དང་སུད་སིའི་ཁེ་ལས་པ་བཅས་ནས་འཚམས་འདྲི་ཞུས་ཡོད། ཀྲུང་གོའི་གཞུང་ཚབ་ཁང་གི་དབུ་ཁྲིད་ལྕམ་ལིའི་བྱུང་ལགས་གིས་ཚོང་དོན་ལྷན་ཚོགས་དེ་མཐུན་སྒྲིལ་གི་གསེར་ཟམ་ལྟ་བུ་ཞིག་ཡིན་པས་ངེས་པར་དུ་ས་གནས་ཀྱི་ཁྲིམས་ལུགས་ལ་བརྩི་སྲུང་དང་། སྤྱི་ཚོགས་ལ་ཕན་ཐོགས་བྱེད་རྒྱུ་དེ་ཧ་ཅང་གལ་ཆེན་ཡིན་པའི་གསུང་བཤད་གནང་། ཚོགས་གཙོ་ཆོས་ལྡན་ལགས་ཀྱིས་ཚོང་དོན་ལྷན་ཚོགས་ཀྱིས་སྟེགས་བུ་བསྐྲུན་ནས་ཁོངས་མིར་ཞབས་ཞུ་སྒྲུབ་ནས་སུད་སི་དང་ཀྲུང་གོའི་བོད་རིགས་ས་ཁུལ་གྱི་དཔལ་འབྱོར་དར་རྒྱས་དང་འཕེལ་རྒྱས་ལ་ཕན་ཐོགས་བྱས་ཏེ་མ་འོངས་པའི་མཉམ་ལས་ལ་རྨང་གཞི་བརྟན་པོ་བཏིང་རྒྱུ་ཡིན་ཞེས་གསུངས་ཡོད།

༢༠༢༥ ལོའི་ཟླ་༥ ཚེས་༢༠

སུད་སིའི་བྷརན།